Gipanghimakak ni content creator Rosmar Tan ang akusasyon sa usa ka netizen nga gipalaglag kuno niya ang iyang gisabak, human niya ipahibalo nga nakasinati siya og miscarriage. Giingon niya nga sa ilang ultrasound appointment uban sa iyang bana nga si Jerome Pamulaklakin, gikumpirma sa doktor nga wala na nagtubo ang fetus ug wala na kini’y heartbeat sa unom pa lamang ka semana sa pagmabdos.
Gihagit usab ni Rosmar ang mga nagpakaylap sa maong alegasyon nga magpakita og ebidensya. Gibutyag niya nga dako ang ilang kasakit sa pagkawala sa ilang anak ug wala sila mihunong sa pagbuhat sa tanang paagi aron mapadayon ang iyang pagmabdos.
Nagpasalamat usab si Rosmar sa padayon nga suporta sa iyang bana atol sa ilang pag-antos. Matod niya, sila ug ang Diyos lamang ang nasayod sa tinuod nga nahitabo, ug nanghinaut siya nga undangon na ang pagpakaylap sa mga walay pamatuod nga balita batok sa ilang pamilya.
