Gibutyag ni Mimiyuuuh usa sa mga sikat kaayo nga vlogger sa nasud. Bisan pa man nga nailhan siya isip usa ka fashionista sa social media, wala kini nagpasabot nga kanunay mahal ang iyang mga sinina.
Matod pa ni Mimiyuuuh sa *Fast Talk with Boy Abunda* nga dili kinahanglan nga mogasto ka og dako aron mahimong fashionista. Sa dihang nagsugod pa siya, ganahan siya mamalit og mga ‘ukay-ukay’ o second-hand nga mga sinina. Daghan usab siya’g kaila nga nindot manamit apan puro ‘ukay-ukay’ ra ang ilang gisul-ob. Busa, dili gyud kinahanglan ang mga mahalon nga butang aron mahimong fashionable.
Alang kang Mimiyuuuh, ang kalampusan nga iyang natagamtaman karon bunga sa iyang kaugalingong kakugi. Dako ang pasalamat sa vlogger ngadto sa iyang pamilya nga kanunay anaa aron mogiya kaniya. Samtang, single pa karon ang sikat nga vlogger. Matod ni Mimiyuuuh, ang pagbaton og uyab nagdala og dakong responsibilidad. Gibutyag niya nga usa ka pares sa designer shoes ang pinakamahal nga regalo nga iyang gihatag sa usa ka lalaki kaniadto.
Karon, si Mimiyuuuh kay single ug wala’y gina-date nga bisan kinsa. Malipayon siya sa iyang kinabuhi isip solo, ug giisip niya ang relasyon nga usa na lang ka “bonus” sa iyang kinabuhi. Samtang nahimong viral ang iyang tambag nga dili angay makig-date sa tawo nga walay kwarta o dili kaya sustentuhan ang kaugalingon, tungod kay ang relasyon usa ka responsibilidad.
Photo Courtesy: Metro style
