Gikumpirma ni Ombudsman Jesus Crispin Remulla nga wala pa nakabayad hangtud karon si kanhi Senador Bong Revilla sa P124.5-M nga civil liability nga gimando sa Sandiganbayan.
Nunot kini sa iyang kasong plunder ug graft nga may kalabotan sa pork barrel scam. Matud ni Remulla nga bisan og nakapiyansa si Revilla og P1-M sa iyang kasamtangang kaso nga malversation nagpabilin gihapon ang iyang obligasyon nga iuli sa gobyerno ang giigong kantidad isip civil damages.
Kahinumduman nga niadtong 2018, napamatud-an nga walay sala si Revilla sa kaso nga plunder apan gimanduan gihapon kini sa Sandigan bayan nga mobayad og P124.5M sa National Treasury.
Niadtong adlawng Biyernes sa dihang nakagawas si Revilla human nga gitugotan sa Sandiganbayan nga makapiyansa sa kasamtangan niining kaso nga graft ug malversaton kalabot sa anomalosong P92.8-M flood control project sa Pandi Bulacan.
Samtang sa bahin ni Revilla nga ang pagtugot sa korte sa piyansa, nagpamatuod matud pa nga dili lig-on ang ebidensiya sa prosecution batok sa kaniya.
Photo courtesy: IMDb
