Mokabat sa 60,000 ka migrante ang mitabok gikan sa Morocco padulong sa Ceuta, teritoryo sa Spain nga nahimutang sa North Africa. Kadaghanan kanila milangoy sa dagat o miagi sa border aron makasulod. Sumala sa lokal nga media, labing menos 57 ka tawo ang namatay atol sa pagtabok.
Gibasul ni Spain Prime Minister Pedro Sánchez ang mga grupo nga nagpalusot og mga migrante ug nagpakaylap matod pa, og sayop nga impormasyon.
Nagpadala na ang Spain og mga sundalo aron motabang sa pagbantay sa Ceuta ug Melilla. Kapin 48,000 ka migrante ang boluntaryong mibalik na sa Morocco.
Nagpadayon ang koordinasyon sa Spain ug Morocco aron makontrol ang sitwasyon ug malikayan ang dugang nga insidente.
Photo Courtesy:EPA
