Magpagula ang Department of Justice (DOJ) og mando sa tanang lokal nga prosecution offices ug DOJ Action Center nga mudawat sa mga reklamo bahin sa bullying. Matod ni Justice Undersecretary Ian Norman Dato, dugang kini nga paagi alang sa mga biktima aron makapangayo og tabang ug makapasaka sa ilang reklamo.
Mahimong susihon sa DOJ ang reklamo. Mahimo usab kini nga ipasa ngadto sa eskwelahan o sa Women and Children Protection Desk sa Philippine National Police. Mahimo usab nga opisyal nga irekord ang reklamo ubos sa Department Order No. 20.
Tumong sa DOJ nga maseryoso ang ilang kampanya batok sa bullying, isip kabahin sa ilang obligasyon ubos sa Konstitusyon ug International Law. Gilauman nga ipagula ang maong department order sa sunod semana.
Photo Courtesy: Wikipedia
