Patay ang 34-anyos nga babaye nga usa ka manager sa microfinance company human gipusil sa wala pa mailhing mga lalaki sakay sa motorsiklo didto sa Barangay San Jose, Quezon, Bukidnon Hulyo 24, 2026, mga alas 1:45 sa hapon.
Subay sa imbestigasyon sa Quezon Municipal Police Station (MPS), nag-inusarang nagmaneho ang biktima giilang si alyas “Jen” sa iyang motorsiklo nga Honda XRM-125 paingon sa Poblacion sa dihang giatangan kini sa mga suspetsado.
Giingong gipusil sa makaduha ka higayon sa ulo ang biktima kinsa gidali pa pagdala sa Quezon Health Infirmary Hospital, apan gideklarar nga dead on arrival sa nag-atiman nga doktor.
Narekober sa mga otoridad ang duha ka basiyo sa bala sa kalibre .45 nga armas sa dapit kung asa nahitabo ang krimen.
Gilayon nga naglunsad og hot pursuit operation, giaktibo ang Oplan Shield ug Containment Ring Plan, ug gipaimbestigahan na ni Bukidnon Police Provincial Office Director PCOL Oliver Sotto Navales ang maong insidente aron mailhan ug madakpan ang mga nagpaluyong suspetsado.
Photo Courtesy: Quezon Municipal Police Station
