Naghimo ang Naismith Basketball Hall of Fame og espesyal nga exhibit alang kang Stephen Curry, nga giila isip usa sa labing bantugang shooter sa kasaysayan sa NBA.
Sumala sa Naismith Basketball Hall of Fame, kini ang unang higayon sa kasaysayan sa liga nga usa ka aktibong NBA player ang gihatagan og kaugalingong exhibit.
Ang exhibit nga adunay titulo nga “Stephen Curry: Beyond the Arc” nagpakita sa panaw ni Curry gikan sa usa ka gamay nga college prospect hangtod sa pagkahimong usa sa labing bantugang magdudula sa kasaysayan sa NBA.
Gipakita usab sa exhibit ang iyang dagkong mga nahimo, lakip ang iyang NBA record sa three-point shots, mga championship rings, Most Valuable Player (MVP) awards, ug uban pang mga kalampusan nga iyang nakab-ot bisan padayon pa siyang nagdula.
Si Curry mao ang lider sa Golden State Warriors, nga iyang gitabangan sa pag-abot sa unom ka NBA Finals ug nakadaog og upat ka kampeonato.
Photo Courtesy: Biography
