Nagpabilin nga mabinantayon ang mga negosyante sa tibuok kalibutan samtang nagpadayon ang trade tension tali sa Estados Unidos ug Canada. Kini human gipahibalo sa U.S. ang mas taas nga taripa sa pipila ka imported nga mga produkto gikan sa Canada.
Sumala sa mga economic analyst, ang bag-ong lakang sa U.S. mahimong makaapekto sa dagan sa internasyonal nga pamatigayon ug pamuhunan. Posible usab nga mousbaw ang gasto sa negosyo ug mahimong maapektuhan ang presyo sa pipila ka mga produkto.
Bisan nagpadayon ang negosasyon sa duha ka nasud, nagpaabot ang mga eksperto nga ang pagsamot sa trade dispute mahimong mopahinay sa internasyonal nga ekonomiya kung dili kini masulbad sa sayong panahon.
Photo Courtesy: Youth Diplomacy Forum
