Gipermahan sa Estados Unidos ug Saudi Arabia ang usa ka nuclear energy cooperation agreement nga gilauman nga magpalapad sa ilang panagtambayayong sa sektor sa enerhiya.
Ang kasabutan gipangulohan ni US Secretary of Energy Chris Wright ug Saudi Energy Minister Prince Abdulaziz bin Salman. Sumala sa US Department of Energy, ang maong kasabutan naglakip og bilateral safeguards agreement nga magsilbing legal nga basehan sa dugayng kooperasyon sa duha ka nasud.
Kung maaprubahan sa Kongreso sa Estados Unidos, mahatagan ang mga kompanya sa US og mas dakong oportunidad sa pag-apil sa nuclear energy program sa Saudi Arabia, isip kabahin sa multi-bilyon dolyar nga partnership sa duha ka nasud.
Photo Courtesy: RTL Today
