Gipahigayon ang usa ka Medical ug Legal Outreach ug Jail Visitation Program alang sa mga Persons Deprived of Liberty (PDLs) sa Bukidnon Provincial Detention and Rehabilitation Center (PDRC) niadtong Hulyo 22, 2026, aron mahatagan sila og libreng tabang legal, serbisyong medikal, ug uban pang suporta.
Gipangulohan ni Dr. Persida V. Rueda-Acosta, Chief Public Attorney sa Public Attorney’s Office (PAO), ang maong inisyatiba kauban ang PAO Region 10. Gitambongan usab kini ni Bukidnon Provincial Governor Rogelio Neil “Oneil” Roque kinsa nagpadayag sa iyang bug-os nga suporta sa mga programa nga nagpalig-on sa rehabilitasyon ug pagrespeto sa katungod sa matag indibidwal.
Atol sa kalihokan, gipasiugda ni Governor Roque ang kaimportante sa maong programa para sa mga PDL., kung asa nagsilbi kining pahinumdom sa mga PDL nga adunay mga institusyon nga andam motabang ug maminaw kanila
Gipasalamatan usab sa gobernador ang PAO Region 10 ug si Chief Acosta sa pagdala sa mga batakang serbisyo ngadto sa mga nanginahanglan og ikaduhang higayon pinaagi sa hustisya ug rehabilitasyon.
Sa pagkakaron, ang Bukidnon PDRC adunay natala nga 1,186 ka mga PDL — diin 65 kanila mga babaye ug 1,121 naman ang mga lalaki
Photo Courtesy: LGU – Bukidnon
