Mipasakop na sa Japan B.League ang Gilas Pilipinas player nga si Mike Philips, human siyang opisyal nga mipirma og duha ka tuig nga kontrata sa grupong Kyoto Hannaryz. Sumala sa anunsyo sa Kyoto Hannaryz, magsugod ang kontrata ni Philips sa 2026–2027 season nga sugdan sa bulan sa Setyembre.
Matud sa 24-anyos nga si Philips, dako ang iyang pagpasalamat sa higayon nga mahimong kabahin sa Kyoto Hannaryz ug sa Japan B.League, nga iyang giisip nga dakong dungog sa iyang karera.
Gipadayag usab niya ang iyang kadasig nga makadula pag-usab sa Japan, diin nakasinati na siya og pagdula sa mga university leagues sa nasud sa panahon nga miyembro pa siya sa De La Salle University.
Photo Courtesy: ALL-STAR Magazine
