Namahayag ang presidente sa Iran, President Masoud Pe-zesh-ki-an nga anaa na kini sa usa ka “full-scale war” tali sa Estados Unidos subay sa pagpalapad sab sa gihimo nga pagpangatake sa Amerika lakip sa mga dapit diin matod pa dunay nuclear power plant ang Iran.
Sumala pa nga nagpadayon sab ang Iran sa ilang mga pagpang-ateke agi og balos sa gihimo sa Amerika diin gianunsiyo sa Revolutionary Guards niini nga naigo nila ang mga target sa Bahrain, Jordan ug Syria.
Sa ilang bahin, niingon ang Bahrain nga gitarget sa Tehran ang air navigation systems niini. Matod sa presidente sa Iran nga angayan nga atubangon ang kamatuoran nga mga panghitabo og dawaton kung unsa man ang resulta sa mga panghitabo. Sumala pa nga giluwatan sa presidente ang maong pamahayag human sa matod pa gilusad nga pagpangatake sa Amerika.
Kahinumduman nga subling niulbo ang giyera sa Middle East human sa pila ka semana sukad gipirmahan na unta ang kasabutan alang sa kalinaw tali sa duha ka mga nasud niadtong Hunyo diin usa sa hinungdan sa giyera mao ang pagkontrolar sa Strait of Hormuz diin kini ang agianan sa mga barko nga nagkarga og supply sa lana sa pila ka bahin sa kalibutan.
Sumala pa nga tungod sa kapakyas sa kasabutan, subling gipatuman sa Iran ang pagpugong sa mga barko nga muagi sa straight og hormuz, samtang nibalos usab ang Amerika pinaagi sa pagbabag usab sa mga pantalan sa Iran.
Photo courtesy: BBC
