Napalgan ang nagbitay nga lawas sa usa ka wala pa mailhing lalaki ubos sa pangpang sa suba sa Sitio Palaopao, Barangay Maluko, Manolo Fortich, Bukidnon niadtong Hulyo 18, 2026, palibot sa alas 11:00 sa buntag.
Daling miresponde ang kapolisan sa maong insidente human nakadawat og taho ang Manolo Fortich Municipal Police Station nga gipangulohan ni PLTCOL Rogie C. Ortencio, Chief of Police, ug napalgan ang biktima nga nagbitay sa napikas nga kawayan daplin sa suba.
Nagtinabangay ang kapolisan sa Manolo Fortich MPS, Sumilao MPS, kauban ang Fire Station, Rescue Team, ug Quick Response Team gikan sa lungsod sa Sumilao sa pagpahigayon og retrieval operation ug pagsiguro sa maong dapit.
Walay nakaila nga residente o mga tawo sa palibot sa maong biktima atol sa operasyon. Human sa pagkuha sa patay’ng lawas, gilayon kining gipasa ngadto sa Rural Health Unit (RHU) sa Sumilao alang sa saktong pagsusi ug disposisyon samtang padayon ang imbestigasyon aron mailhan ang biktima ug masuta ang tinuod nga hinungdan sa iyang pagkamatay
Photo Courtesy:Manolo Municipal Police Station
