Gidala sa kapulisan sa New Delhi ang aktibista nga si Sonam Wangchuk ngadto sa balay tambalanan human sa paglabay sa 20 ka adlaw nga gihimo niini nga hunger strike tungod sa sistema sa eksaminasyon sa India.
Sumala pa nga wa na mukaon si Wangchuk sukad niadtong Hunyo 28 diin buot niya nga mukanaog sa katungdanan ang Education Minister nga si Dharmendra Pradhan.
Kini tungod sa giingong mga iregularidad sa mga eksaminasyon sa mga gusting mahimong doctor.
Gikataho nga dunay pila ka gatos ka mga tinun-an ang ni-apil sa kawsa ni Wangchuk sa Jantar Mantar protest site sa pila na ka semana. Pila sa mga nagprotesta ang nagpasiugd usab og satirical Cockroach Janta Party (CJP) online aron sa pagduyog sa maong katuyoan.
Matod sa kapulisan, ilang gidala si Wangchuk sa ospital subay sa mando sa Korte tungod sa dili na mayo nga kahimtang sa panglawas niini diin nisulay og babag ang uban nga mga nagprotesta hinungdan sa gamay nga komosyon.
Sa iyang bahin, niingon ang asawa ni Wangchuk nga si Gitanjali J Angmo nga iyang giubanan ang iyang bana sa ospital.
Photo courtesy: Indiatimes
