Mag-atubang ug kasong paglapas sa Republic Act No. 9165 kun Comprehensive Dangerous Drugs Act of 2002 ang usa ka indibidwal human nakuhaan ug illegal nga droga atol sa gikasang buy bust operation didto sa Golden Valley, Brgy. Central, Mati City, Davao Oriental pasado alas 10:13 kagabii, Hulyo 16, 2026.
Ang dinakpan naila nga si alyas Jercen”, 33-anyos, usa ka High-Value Individual, kinsa nasikop sa mga personahe sa Mati City Police Station (CPS), kauban ang Davao Oriental Police Provincial Office (DOPPO), ug Philippine Drug Enfrocement Agency (PDEA).
Atol sa operasyon nasakmitan ang suspek ug gibana-banaang 10 gramos sa gitoohang shabu nga adunay street value price nga P68,000.00 mil ka pesos ug lakip sa nakumpiska ang usa ka grenade launcher, buy-bust money, ug uban pang personal nga gamit ug sakyanan.
Sa pagkakaron ang sspetsado nakakustodiya na sa kapulisan alang sa pormal nga dokumentasyon ug tukmang disposisyon.
Photo Courtesy: Mati CPS
