Abli na alang sa mga Iliganon ang 107 ka scholarship slots ubos sa Technical Education and Skills Development Authority o TESDA pinaagi sa Training for Work Scholarship Program (TWSP) alang sa mga interesado nga mopahimulos sa libreng technical-vocational training sa Iligan City.
Adunay unom (6) ka training programs nga gitanyag sa nagkalain-laing training institutions, lakip na ang Organic Agriculture, Bread and Pastry Production, Electrical Installation and Maintenance, ug Agricultural Crops Production.
Giawhag ang mga interesadong aplikante nga sayo nang mosumite sa ilang mga requirements sa City Agriculturist’s Office nga nahimutang sa IBJT Tambo Terminal, tapad sa NBI.
Alang sa dugang pangutana, mahimong mokontak kang Mr. Datu Madrigal Dianalan II, TESDA Focal Person sa CTEC, City Mayor’s Office sa Iligan City.
Tumong niini nga programa ang paghatag og oportunidad sa mga Iliganon nga makakat-on og bag-ong kahanas ug makapangandam alang sa mas maayong oportunidad sa panginabuhi.
Photo courtesy: City Government of Iligan
