Nadakpan ang duha ka indibidwal sa gipahigayong drug buy-bust operation sa city of koronadal police station, pinaagi sa city drug enforcement unit o cdeu, sa purok everlasting, barangay avanceña, koronadal city, south cotabato, pasado alas 9:12 sa gabii, niadtong adlawa nobyembre 11, 2026.
Giila ang mga nadakpan sa mga alyas nga “justin,” 31 anyos, walay trabaho, ug “jomarie,” 54 anyos, usa ka air conditioning technician. Silang duha mga residente sa barangay avanceña sa maong syudad.
Nakumpiskar gikan sa mga suspek ang usa ka heat-sealed plastic sachet nga gituohang naglangkob og shabu, nga nagtarong og 0.34 gramos ug gibana-bana nga nagkahalagang 1,360 pesos, lain pa sa 500-peso marked money nga gigamit sa operasyon.
Mag-atubang ang duha ka suspek sa kasong paglapas sa sections 5 ug 11, article 2 sa republic act 9165 o comprehensive dangerous drugs act of 2002. Karon, nakapiit ang duha sa locked-up cell sa koronadal city police station alang sa hustong proseso.
