Nakaplagan na karong buntag sa suba nga bahin sa may Kulaman sa purok – Katipunan Dagat-Kidavao, Valencia City ang patay’ng lawas sa usa ka 12-anyos nga batang lalaki.
Samtang nagpabilin pang missing ug padayon pang gipangita ang iyang 6-anyos nga manghod human sila naanod sa kalit ug kusog nga bul-og sa tubig-baha kagahapon Hulyo 14, 2026
Nahitabo ang trahedya sa boundary sa Dagat-Kidavao ug Barangay Lumintao, Quezon, sa dihang patabok unta ang mga biktima sa dalan sa dam sakay sa motorsiklo nga gimanehoan mismo sa ilang amahan dihang wala damha nahitabo ang trahedya.
Gikaingong gikan sa San Fernando ang maong mag-amahan padulong unta sa lungsod sa Quezon.
Padayon nagtinabangay ang mga rescue responders sa Quezon ug syudad sa Valencia alang sa posibleng pagrekober sa usa pa ka biktima.
Photo Courtesy:Dodong Golez
