Pormal nang gisumite ni Department of Health (DOH) Secretary Ted Herbosa ang iyang resignation letter ngadto kang Pangulong Ferdinand Marcos Jr. niadtong Lunes, Hulyo 13.
Sumala sa migawas nga kopya sa iyang sulat, nakahukom si Herbosa nga mobiya sa iyang katungdanan aron hatagan og prayoridad ang iyang panglawas ug hingpit nga pagkaayo, diin moagi siya og rehabilitasyon sulod sa tulo hangtod upat ka bulan human sa malampusong operasyon sa iyang tuhod.
Nangayo usab og pasaylo ang kalihim sa publiko ug sa iyang mga kauban sa DOH sa bisan unsang kakulangan o kapakyasan atol sa iyang pagpangulo sa departamento, diin naka-sick leave na kini sukad pa niadtong Hulyo 6 alang sa iyang pisikal nga terapiya.
Sa pagkakaron, wala pa’y opisyal nga kumpirmasyon gikan sa Malacañang kon gidawat ba ang iyang pagbiya, samtang si Usec. Albert Domingo una ang kasamtangang nag-alagad isip temporaryong tigpangulo sa DOH
Photo Courtesy: DOH Sec. Ted Herbosa
