Nadugangan ang gidaghanon sa mga namatay sa Ukraine human maglunsad na usab ang Russia og sunod-sunod nga missile ug drone attacks sa nagkalainlaing lugar sa nasud, nga miresulta sa labing menos walo ka patay ug daghang angol.
Pinakagrabe ang kadaot sa Sumy diin lima ka tawo ang namatay ug 30 ang nasamdan human maigo sa duha ka glide bombs ang usa ka daghang tao nga lugar. Sa kaulohan nga Kyiv, 12 pa ka indibidwal ang naangol tungod sa binuntagay nga pagpamomba. Matod sa Ukrainian Air Force, napugngan usab nila ang 111 ka drone ug duha ka cruise missile atol sa maong opensiba.
Tungod sa nagpadayon nga mga pag-atake, nanawagan si Ukrainian President Volodymyr Zelenskyy, sa mga kaalyadong nasud nga paspason ang paghatag og dugang armas, ilabina ang mga air defense munitions. Padayon usab ang panawagan sa Ukraine alang sa mas lig-on nga suporta militar samtang wala pa mahunong ang gubat niini batok sa Russia.
Photo Courtesy: OPB
