Giawhag sa Bangko Sentral ng Pilipinas ang mga Pilipino nga sayo pa lang magtigom ug mag-invest alang sa retirement, tungod kay posibleng dili igo ang pension gikan sa SSS ug GSIS.
Matud sa BSP, mas ubos sa ₱5,000 ang average monthly pension sa SSS, samtang mas ubos sa ₱14,000 ang kasagarang pension sa GSIS.
Girekomenda sa BSP ang Personal Equity and Retirement Account o PERA, usa ka boluntaryong savings ug investment program nga mahimong dugang sa retirement benefits gikan sa SSS o GSIS.
Bukas ang PERA sa mga 18 anyos pataas nga adunay Tax Identification Number. Mahimong makacontribute ang usa ka tawo hangtod ₱200,000 kada tuig, samtang hangtod ₱400,000 alang sa Overseas Filipinos.
Ang kontribusyon mahimong i-invest sa stocks, mutual funds, government securities, insurance pension products ug uban pang investment products.
Tax-free ang earnings sa PERA ug adunay usab 5 percent tax credit. Mahimong makuha ang tibuok savings nga walay buhis pag-abot sa 55-anyos, basta nakacontribute sulod sa labing menos lima ka tuig.
Giawhag usab sa BSP ang mga kompanya nga magtanyag og PERA sa ilang mga empleyado aron madugangan ang ilang retirement savings.
Photo Courtesy: Philippine News Agency
