Dakpan sa mga otoridad ang usa ka lalaki nga gikonsiderang Street Value Individual human namaligya ug illegal nga droga atol sa buy bust operation nga gipahigayon sa Purok Falcata, Barangay San Antonio, Cateel, Davao Oriental pasado alas 3:30 sa kadlawon, Oktubre 23, 2026.
Ang operasyon gihimo sa mga personahe sa Cateel Municipal Police Station, kauban ang mga operatiba sa 1st Davao Oriental Provincial Mobile Force Company ug lain pang mga law enforcement units nga miresulta sa pagkasikop ni alyas “Enting”, 41 anyos, walay trabaho ug lumolopyo sa maong lugar.
Nakuha gikan sa iyang posisyon ang lima ka pakete sa gituohang shabu nga gibana banaang mutimbang sa 0.3 gramos ug adunay standard drug price nga Php 2,040.00 ug usa ka PHP 500 nga buy bust money nga adunay serial number AW4677667.
Sa pagkakaron ang dinakpan anaa na sa kustodiya sa Cateel Municipal Police Station alang sa hustong disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo courtesy: Cateel MPS
