Gipahugtan sa Police Regional Office 11 ang ilang pagpangandam alang sa Undas 2026 aron masiguro ang kalinaw, kaluwasan, ug kahapsay sa pagsaulog sa All Saints’ Day ug All Souls’ Day sa tibuok Davao Region.
Niadtong Oktubre 21, 2026, gipangunahan ni Acting Regional Director PBGEN Benigno L. Guzman, ang inspeksyon sa Wireless Public Cemetery ug Davao Memorial Park sa Davao City. Atol sa inspeksyon, gisusi ang kahimtang sa mga sementeryo ingon man ang mga plano sa pagdumala sa trapiko, ug ang kaandam sa mga personahe sa kapulisan.
Gilaoman nga hingpit nang i-deploy ang mga pulis ug ipatuman ang regular nga pagmonitor sa sitwasyon gikan Oktubre 29 hangtod Nobyembre 3, 2026. Tumong niini nga masiguro ang padayon nga presensya sa kapulisan ug ang dali nga pagtubag sa posibleng mga insidente.
Samtang magbutang usab ang kapulisan og Police Assistance Desks sa mga sementeryo, memorial park, ug columbaria aron mohatag og impormasyon ug tabang sa mga nanginahanglan, ilabina sa panahon sa emerhensya.
Photo courtesy: PRO 11
