Dili moubos sa 12 ka tawo ang namatay human mikaylap ang kusog nga wildfire sa Los Gallardos, probinsya sa Almería sa southern Spain. Aduna usab mga naangol tungod sa paso ug nakuyapan tungod sa paglanghap sa baga nga aso. Diin adunay natala nga 23 ka indibidwal ang padayon pang gipangita.
Pipila sa mga biktima nakit-an sulod sa mga sakyanan nga naabtan sa kalayo duol sa Bédar. Mokabat sa 1,000 ka residente ang gipabakwit samtang gisira usab ang pipila ka dalan tungod sa peligro.
Kapin 150 ka firefighters ug mga personnel sa Spain’s Military Emergency Unit ang nagtinabangay sa pagpalong sa kalayo.
Matud sa mga nakasaksi, posibleng nagsugod ang sunog human natumba ang usa ka linya sa kuryente, apan wala pa kini opisyal nga nakumpirma sa mga otoridad.
Padayon nga nakasinati ang southern Europe og grabing kainit, diin ang temperatura miabot sa dul-an sa 40 degrees Celsius, hinungdan nga mas paspas mikaylap ang mga wildfire sa Spain ug ubang nasod sa rehiyon.
Photo Courtesy: ABC News
