Gihatagan og dugang suporta sa produksyon sa humay ang mga rehistradong miyembro sa nagkalain-laing Irrigators Association sa New Bataan pinaagi sa pagpang-apod-apod og 138 ka bag sa hybrid rice seeds ug 740 ka sako sa abono niadtong Oktubre 26, 2026.
Gikan sa pondo sa lokal nga pangagamhanan ang maong mga input sa agrikultura aron makatabang sa pagpakunhod sa gasto sa pagpananom ug pagpalambo sa produksyon sa mga mag-uuma.
Sumala kang Mayor Atty. Bianca Cualling Brua, importante ang pagpalig-on sa sektor sa agrikultura aron masuportahan ang ekonomiya sa lungsod ug mapadayon ang igong suplay sa pagkaon.
Photo courtesy: Municipality of New Bataan
