Gitan-aw ni Mayor Manuel Jayr N. Zamora Jr., kauban ang mga miyembro sa Executive Committee nga gipangulohan ni Municipal Administrator Evelyn Dinopol, ang Public Information Gallery nga nagpakita sa Comprehensive Land Use Plan (CLUP) 2026–2037 ug Proposed Municipal Zoning Ordinance.
Gibutang sa Women’s Activity Center, bukas ang gallery alang sa publiko aron mas masabtan sa mga residente ang mga plano sa paggamit sa yuta, paghan-ay sa mga kalihokan sa kalamboan, ug pagpalambo sa usa ka luwas ug malungtarong komunidad sa Monkayo.
May kalabotan niini, gikatakdang ipahigayon ang public hearing sa Nobyembre 6 sa Function Hall, Zamora Compound, diin gidasig ang mga hingtungdan ug mga residente nga motambong ug mopadayag sa ilang mga panglantaw ug sugyot kalabot sa mga plano alang sa umaabot nga kalamboan sa lungsod.
