Patay ang usa ka 49-anyos nga mag-uuma nga giila lamang sa alyas nga “Hesus,” 49 anyos, human kini gitigbas sa suspek nga giila sa alyas nga “Winwin,” 48 anyos didto sa Barangay Salvacion, Dulag, Leyte, pasado alas 6:30 ang takna sa buntag niadtong nakalabay nga adlaw.
Base sa inisyal nga imbestigasyon, gisultihan sa suspek si alyas “Joey” nga iyang gibuno ang biktima. Miadto dayon si Joey kauban si alyas “Amedio” sa balay sa biktima, diin ilang nakaplagan ang lawas niini. Ilang gipahibalo ang mga opisyal sa barangay nga maoy mitaho sa Dulag Municipal Police Station (MPS).
Gideklarang dead on arrival ang biktima sa doktor sa Rural Health Unit (RHU) sa Dulag. Human sa insidente, mikalagiw ang suspek dala ang armas nga gigamit sa krimen, apan sa ulahi misurender kini sa kapulisan ug anaa na karon sa kustodiya sa mga otoridad.
