Gipadayag sa Department of Education (DEPED) Region 9 nga prayoridad sa ilang buhatan ang mga magtutudlo nga napapauli sa Pilipinas gumikan sa nagkagrabeng kagubot sa Middle East, ubos sa Special Program for the Integration of Migrant Students o SPIMS.
Matud ni DepEd-9 Regional Director Ronelo Al K. Firmo, gitumong sa maong programa nga matabangan ang mga Pilipinong magtutudlo nga naapektuhan ang panginabuhian tungod sa kagubot sa Middle East.
Dugang pa ni Firmo, usa ang SPIMS sa mga programa sa DepEd nga adunay giandam nang item alang sa mga displaced teacher, aron mahatagan sila og oportunidad nga makapadayon sa ilang propesyon.
Samtang, sa samang pamaagi adunay usab mga item nga gitagana alang sa mga Department of Science and Technology Science Education Institute (DOST-SEI) scholars.
Segun ni RD Firmo, pinaagi sa maong programa lauman nga matabangan ang mga apektadong magtutudlo nga makasugod pag-usab sa ilang karera ug makapadayon sa sektor sa edukasyon.
