Nadakpan sang Philippine Drug Enforcement Agency ukon PDEA Region 12 ang tatlo ka ginatudlo nga personalidad sa ilegal nga droga kag nakakumpiskar sang ginabulubanta nga ₱439,892 nga shabu sa buy-bust operation sa Purok Pagkakaisa, Barangay Kenram, Isulan, Sultan Kudarat, sang Oktubre 23, 2026.
Ang operasyon ginpangunahan sang PDEA Sultan Kudarat Provincial Office, sa suporta sang Isulan Municipal Police Station kag Sultan Kudarat Provincial Police Office–Provincial Drug Enforcement Unit.
Ang mga nadakpan ginkilala sa mga alyas nga “Rika”, 29 anyos, “Jed”, 29 anyos, kag “Anthony”, 37 anyos. Narekober sa operasyon ang tatlo ka pakete sang ginapatihan nga shabu, buy-bust money, mga gamit nga ginapatihan may kaangtanan sa transaksyon, cellphone kag isa ka Sedan.
Ang tatlo magaatubang sang kaso sa ginapatihan nga paglapas sa Sections 5 kag 11, Article II sang Republic Act 9165 ukon Comprehensive Dangerous Drugs Act of 2002.
