Gina-imbestgaran sang Esperanza Municipal Police Station ang viral nga insidente sa Esperanza, Sultan Kudarat sa gin-alegar nga pagpangharas sang isa ka tricycle driver sa iya mga pasahero samtang yara sa impluwensya sang makahulubog nga ilimnon.
Suno sa opisyal nga pahayag sang kapulisan, gilayon nga nagresponde ang mga otoridad, ginsiguro ang kaluwasan sang mga pasahero kag gindala sa kustodiya ang driver para sa dugang nga imbestigasyon. Mahimo nga pasakaan sang nagakaigo nga kaso ang driver kon mapamatud-an sang ebidensya ang paglapas sa kasuguan.
Ginapaandaman sang pulisya ang mga drayber nga likawan ang pagdrayb samtang hubog kag ang bisan ano nga pagpamahog ukon pagpangharas sa mga pasahero. Gina-agda man ang publiko nga i-report gilayon ang kaangay nga insidente sa pinakamalapit nga estasyon sang kapulisan ukon pinaagi sa emergency hotline 911.
Photo courtesy:PNP Esperanza Municipal Police Station
