Gipaubos sa Leyte Police Provincial Office (LPPO), ubos sa pagpangulo ni Provincial Director PCOL Celerino M. Sacro Jr., ang mga personnel ug kagamitan niini sa inspeksiyon nga gipahigayon sa Regional Internal Affairs Service 8 (RIAS 8) niadtong nakalabay nga adlaw, sa LPPO Headquarters, Kuta Kankabato, San Jose, Tacloban City.
Gipangunahan ang inspeksiyon ni PLTCOL Eldy M. Magbanua, Officer-in-Charge sa RIAS 8, diin gilakip ang pag-ihap sa mga personnel, pagsusi sa ilang ranggo, ug inspeksiyon sa mga gipagawas nga armas ug mga kagamitan sa Search and Rescue (SAR).
Kabahin usab sa kalihokan ang Paalala, Gabay-Aral Program diin gihisgotan ni PLTCOL Eric L. Leuterio, Deputy Director sa RIAS 8, ang Six-Point Ethical Policing Guide. Samtang, gipatin-aw ni PCPT Nadel Q. Ripalda, Chief sa Investigation and Adjudication Division ug Officer-in-Charge sa Leyte Provincial Internal Affairs Service, ang Doctrine of Command Responsibility, kasagarang paglapas sa 2021 Revised Police Operational Procedures, ug nagkalainlaing programa ug inisyatibo sa Internal Affairs Service.
Pinaagi sa maong kalihokan, gipasiugda sa LPPO ang pagpalig-on sa disiplina, integridad, pagkamay-tulubagon ug kahandam sa operasyon sa mga kapulisan. Tumong niini nga maseguro ang propesyonal ug kasaligan nga pagserbisyo sa publiko subay sa tumong sa Philippine National Police (PNP) nga “Bagong PNP para sa Bagong Pilipinas: Serbisyong Mabilis, Tapat, at Nararamdaman.”
Photo courtesy: PNP LPPO
