Ginpanagtag sang Lokal nga Gobyerno sang Isulan, Sultan Kudarat ang bag-o nga mga laptop para sa 17 ka barangay agud mapauswag ang pagserbisyo sang mga Midwife kag Barangay Health Worker ukon BHW sa mga pumuluyo.
Suno sa pahayag sang lokal nga liderato, gamiton ang mga laptop sa pag-asikaso sang mga pasyente sa tagsa ka barangay, nga ginapaabot nga makapadasig sang mga transaksyon kag makapaayo sang paghatag sang serbisyo nga panglawas.
Pinaagi sa sini nga inisyatibo, ginatinguhaan nga mangin mas episyente ang pagdumala sang impormasyon kag pag-atipan sa mga pasyente, ilabi na sa mga komunidad nga nagakinahanglan sang madasig kag masaligan nga serbisyo.
Photo courtesy: Bai Rihan Mangudadatu Sakaluran
