Napalgan wala nay kinabuhi ang 44-anyos nga lalaki sulod sa staff house sa usa ka hatchery sa Purok 6, Tubigon, Maramag, Bukidnon sa may alas-3:30 kagahapon Hulyo 8, 2026,
Subay sa report sa kapolisan, nadiskubrehan ang biktima nga naglingkod ug nagsandig sa paril sulod sa usa ka lawak.
Sa inisyal nga imbestigasyon, nasayran gikan sa mga kauban sa biktima nga duna kini gihambin nga sige-sige nga ubo, ug ulahi kining nakit-an nga buhi niadtong Hulyo 7 sa udto sa usa ka technician sa hatchery.
Walay nakit-an nga timailhan sa foul play ang lawas sa biktima, apan dinalian kining gidala sa Rural Health Unit (RHU) sa Maramag alang sa dugang pagsusi sa doktor aron masuta ang tinuod nga hinungdan sa iyang kamatayon samtang nagpadayon ang lawom nga imbestigasyon sa maong insidente.
Photo Courtesy:Maramag Municipal Police Station
