Giklaro sa Department of Education (DepEd) pinaagi sa ilang Disaster Risk Reduction and Management (DRRM) Coordinator nga si Jim Lucini nga dili tibuok siyudad sa Malaybalay ang walay klase karong adlawa Hulyo 09, 2026.
Kini ang gibutyag ni CDRRMO head Allan Jay Comiso kung asa matud pa ni Lucini, usa lamang ka “localized suspension” ang gipatuman ug kini limitado ra sa mga tunghaan nga grabeng naapektuhan sa pagbaha aron masiguro ang kaluwasan sa mga estudyante ug magtutudlo.
Lakip sa mga tunghaan nga pormal nga gisuspende sa klase mao ang Sawaga Elementary School, Langgasihan Elementary School, Managok Central School, Maligaya Elementary School, ug Matampay Elementary School.
Nagpabiling abli ug magpadayon ang klase sa ubang mga eskwelahan sa syudad nga wala maapektuhan sa maong dautan nga panahon.
Photo Courtesy: DepEd Malaybalay
