Nasikop sa mga sakop sa Damulog Municipal Police Station (MPS) ang usa ka 39-anyos nga lalaki human niini gitigbas ang usa ka 28-anyos nga biktima sa Purok 8, Sitio Lagasan, Barangay Sampagar, Damulog, Bukidnon niadtong Hulyo 5, 2026, bandang alas 8:50 sa gabii.
Base sa inisyal nga imbestigasyon, nag-inom ang biktima uban ang iyang mga silingan dihang milabay ang suspek ug gisinggitan kini sa biktima og “Taasa sa imong samurai oy!”, nga nakapasuko sa suspek ug miresulta sa pagpanigbas nga nagbilin og upat ka samad sa kalawasan sa biktima.
Kasamtangang anaa sa stable nga kahimtang ang biktima sa Bukidnon Provincial Hospital sa Kibawe, samtang ang suspek ug ang gigamit nga hinagiban anaa na sa kustodiya sa kapulisan alang sa tukmang disposisyon.
Gituohan sa kapulisan nga personal nga kasuko ang motibo sa maong krimen.
Photo Courtesy:Damulog Municipal Police Station
