Dili mopirma ug dili mosuporta si kanhing Presidente ug kasamtangang Congresswoman Gloria Macapagal-Arroyo sa bisan unsang impeachment complaint nga ipasaka batok kang Ombudsman Jesus Crispin Remulla.
Kini maoy giklaro ni Arroyo pinaagi sa usa ka Facebook post, human migawas ang mga hungihong nga siya maoy nangulo sa planong to impeachment batok kang Remulla.
Pamahayag sa kanhi pangulo nga lunod-patay niyang kaalyado kaniadto si Remulla kinsa nagsilbi sa lain-laing katungdanan panahon sa iyang administrasyon.
Matud sa nahisgotan, nga nagsilbi si Remulla isip Career Executive Service Officer Assistant Secretary ilawom sa opisina ni kanhi Presidente Joseph Estrada panahon sa EDSA Dos apan gibiyaan niya kini pabor kang Arroyo.
Nahimo usab sumala pa niya kining kaalyado sa kongreso busa dili siya mosuporta sa bisan unsang lakang pagpalagpot niini.
Photo Courtesy: wikipedia
