Nagpahigayon ang China og usa ka missile test-fire gikan sa ilang nuclear-powered submarine paingon sa Kadagatang Pasipiko niadtong Lunes, Hulyo 6, mga alas-12:01 sa udto.
Ang gipabutong missile pinaagi sa People’s Liberation Army Navy (PLAN) aduna lamang dummy warhead ug nahulog sa international waters, apan wala gipahibalo sa China ang eksaktong lokasyon niini, hinungdan nga nakadawat dayon kini og kusog nga pagsaway ug kabalaka gikan sa mga silingang nasod sama sa Japan, Australia, ug New Zealand.
Gipatin-aw sa gobyerno sa China nga kabahin lamang sa ilang tinuig nga military training ang maong pagpabuto ug wala kini gitumong batok sa bisan unsang nasud o target. Apan alang sa mga silingang nasod, makapabalaka gihapon ang padayon nga pagpalapad sa impluwensya ug kusog militar sa China diha sa rehiyon sa Pasipiko.
Nahitabo ang maong missile test pipila lamang ka oras human mipirma ang Australia ug Fiji sa usa ka bag-ong defense alliance. Ubos sa maong kasabutan, misaad ang duha ka nasod nga magtinabangay ug magsuportahay sa usag usa kon ugaling adunay hulga o pag-atake nga ilang maatubang sa umaabot
Photo Courtesy: Reuter/ The Guardian News
