Opisyal nang minyo ang 36-anyos nga international pop superstar nga si Taylor Swift ug ang 36-anyos nga NFL star nga si Travis Kelce.
Gipahigayon ang ilang kasal niadtong Hulyo 3 sa Madison Square Garden sa New York City. Sumala sa ilang opisyal nga representante, ang igsoon ni Taylor nga si Austin Swift maoy nagsilbing Man of Honor, samtang si Jason Kelce ang Best Man ni Travis. Ang seremonya gipangulohan sa aktor ug komedyanteng si Adam Sandler.
Ang gisul-ob sa bag-ong magtiayon nga wedding outfits gihimo sa Christian Dior Haute Couture, samtang ang ilang sapatos custom-made sa Christian Louboutin.
Mitambong usab sa kasal ang pipila sa labing iladong mga personalidad sa industriya sa musika, pelikula, ug sports. Sa wala pa ang ilang kasal, nagdonar ang magtiayon og kinatibuk-ang 26 ka milyon ka U.S. dollars ngadto sa kapin sa 20 ka charity ug nonprofit organizations sa Estados Unidos aron suportahan ang mga programa alang sa edukasyon, panglawas sa kabataan, food assistance, ug animal welfare.
Nagpahibalo sa ilang engagement sila Taylor Swift ug Travis Kelce niadtong Agosto 2025, ug karon opisyal na silang magtiayon.
Photo Courtesy: The Times of India
