Patay ang usa ka 61-anyos nga babaye human giingong gitigbas sa iyang 81-anyos nga bana nga nahitabo sa Barangay Miguel, Compostela, Davao de Oro alas-2:50 sa kaadlawon niadtong Hulyo 5
Sumala sa impormasyon nga gipaambit ni Barangay Captain Joel Balili, ang biktima nga giila sa alyas nga “Ter” nakaangkon og daghang samad sa lain-laing parte sa lawas tungod sa daghang tinigbas.
Giingong nakurat ang mga kabanay sa biktima sa ilang pag-abot sa lugar sa insidente. Ang gigamit sa suspek mao ang usa ka sundang nga kasagarang ginagamit niini sa pagpanguma.
Human sa nahitabo, boluntaryong mitahan ang 81-anyos nga suspek sa mga awtoridad ug karon anaa na sa kustodiya sa kapulisan.
Nagpadayon pa ang makuting imbestigasyon sa kapulisan aron mahibal-an ang tinuod nga motibo sa krimen, tungod kay wala pa kini matino sa pamilya sa biktima ug sa mga imbestigador.
Photo Courtesy: Media Dialogues
