Spotted ang sikat nga aktor nga si Daniel Padilla nga nag-horseback riding sa Malaybalay City atol sa gihimong location shooting alang sa ikaduhang yugto sa TV action series nga “Incognito.”
Sumala sa mga litrato nga daling mikatap sa social media, kauban usab sa produksyon ang ubang mga cast sa serye sama nila ni Richard Gutierrez, Baron Geisler, ug Kaila Estrada, kinsa nag-shoot og mga mahinungdanong eksena sa nagkadaiyang matahom nga lugar sa Bukidnon.
Gipadayag sa report nga gipili sa production team ang probinsya tungod sa talagsaon ug maanindot nga talan-awon niini nga angay kaayo alang sa mga aksyon ug nindot nga mga eksena sa maong serye. Nalipay usab ang daghang mga netizens sa pagbisita sa mga sikat nga artista ug naglaum sila nga mas mailhan pa ang maong probinsya pinaagi sa nasudnong telebisyon.
Gilauman nga ang maong shooting magdala og positibong epekto sa turismo ug ekonomiya sa Bukidnon, tungod kay mas daghang tawo ang posibleng maengganyo nga mobisita sa mga nindot nga atraksyon sa dapit.
Gawas niini, gilauman nga makahatag usab kini og dugang oportunidad sa mga lokal nga negosyo ug makapalig-on sa reputasyon sa Bukidnon isip usa sa mga paboritong filming destinations sa Pilipinas
Niadtong Sabado, gidagsa sab sa mga fans ang shooting ni Daniel didto sa merkado publiko.
Photo Courtesy: Daniel The Supremo / Daniel Ford
