Gisuportahan sa mga hingtungdan ang plano sa pagtukod og wastewater treatment facility sa Cogon isip kabahin sa mandato sa Philippine Clean Water Act nga gipatuman sa Department of Environment and Natural Resources.
Matod ni Atty. Mariane Raagas sa CEEBDA, gitun-an pag-ayo ang lokasyon sa Corner Yacapin-Osmena St nga proyekto ug nakita nga adunay septic tank sa lugar, nga makatabang sa proseso sa pag-recycle ug pagtambal sa hugaw nga tubig.
Gipunting usab nga ang dagkong establisemento sa Cogon, lakip na ang mga merkado ug malls sa palibot, kinahanglan motuman sa legal nga mandato bahin sa husto nga pagdumala sa wastewater.
Gibutyag pa nga pabor ang Engineering Division sa CEEBDA ug ang City Engineer’s Office nga ibutang ang pasilidad sa eskina sa Yacapin ug Osmeña Streets aron mas episyente ang pagserbisyo ug pagpanalipod sa kinaiyahan.
Photo courtesy: City Economic Enterprises and Business Development Administration/ Facebook
