Usa ka lalaki sa Malabon City sa Manila ang nahimong sentro sa kataw-anan human aksidente niyang napusil ang iyang kaugalingon samtang nakig-inom uban sa iyang mga kauban.
Sumala sa report, gidala matod pa niya ang armas aron panalipdan ang iyang kaugalingon batok sa mga kawatan sa motorsiklo. Apan inay nga kawatan ang maigo, siya mismo ang natirahan sa iyang wala lisensyahang pusil.
Nasamdan ang iyang kamot ug bitiis ug gidala dayon sa mga responder sa hospital. Apan sa pag-abot sa mga pulis, laing problema ang iyang giatubang dihang napamatud-an nga walay lisensya ang iyang gidalang armas.
Sa iyang depensa, giingon sa lalaki nga nagbutang lang siya og bala ug gidukdok ang pusil kay dili mosulod ang magasin, apan kalit lang matod pa kini mibuto.
Sa pagkakaron balhog sa prisohan ang maong lalaki, samtang nag-atubang og kasong illegal possession of firearms.
