Nakumpiska sa mga personahe sa Siay Municipal Police Station ang napulo ka reams sa Astro Red nga gituohang smuggled nga mga sigarilyo atol sa operasyon nga gipahigayon sa Barangay Camanga, Siay, Zamboanga Sibugay niaging adlaw.
Ang operasyon gipangulohan ni PMSG Herwin T. Cagas ug nagresulta sa pagkarecover sa mga sigarilyo nga adunay gibanabanang kantidad nga ₱11,460 base sa standard price sa Bureau of Customs.
Nakuha ang maong mga produkto gikan sa usa ka 62-anyos nga negosyante nga residente sa maong barangay. Gawas sa pagbawi sa mga sigarilyo,gipamulta ang mga tag-iya sa tindahan og ₱1,000 tungod alang sa paglapas sa Municipal Ordinance No. 269-2016.
Sa pagkakaron, anaa sa kustodiya sa Siay MPS ang mga nasampit nga sigarilyo samtang nagpaabot sa pormal nga turnover ngadto sa Bureau of Customs alang sa hustong disposisyon.
