Giklaro sa Department of Foreign Affairs (DFA) nga walay Pilipinong namatay o naangol human sa duha ka kusog nga linog nga miigo sa Venezuela niadtong Hunyo 24, 2026.
Matod sa ahensya, padayon nilang gisubay ang kahimtang pinaagi sa Embahada sa Pilipinas sa Bogota aron maseguro ang kaluwasan sa tanang Pilipino nga anaa sa maong nasud.
Dugang pa, giawhag sa DFA ang mga Pilipino nga anaa sa mga apektadong lugar nga mopabilin sa luwas nga dapit, magmatngon sa mga pahimangno sa lokal nga mga awtoridad, ug mosunod sa tanang safety protocols.
Sa kapataposan, base sa taho sa mga kapulisan sa Venezuela, kapin sa 30 ka tawo ang namatay ug dul-an sa 700 ang nasamdan human sa magnitude 7.2 ug 7.5 nga mga linog nga nahitabo duol sa Morón sa amihanang bahin sa nasud.
Photo Courtesy: pna.gov.ph
