Gihulat na karon sa probinsya sa Bukidnon ang umaabot nga Grand Coronation Night sa Miss Philippines Earth 2026 nga ipahigayon karong Hunyo 27, 2026, didto sa Cultural Center, Poblacion, Malitbog.
Gilauman ang maong prestihiyosong kalihokan nga pagatambungan sa mga opisyal sa gobyerno, mga dumuduong, ug mga supporters sa maong kompetisyon.
Kini nga kalihokan, nga nagdala sa temang katahom ug adbokasiya para sa kalikupan, gilusad human sa hugot nga suporta nilang 1st District Congressman Joeman Alba ug Mayor Garry Flores aron mapalambo ang turismo sa lungsod sa Malitbog.
Gilantaw nga ang pag-host sa Malitbog sa maong beauty pageant makahatag og dako nga bulig ug exposure sa lokal nga ekonomiya ug mga destinasyon sa probinsya.
Kahinumduman nga kaniadtong tuig 2024, nag-host usab ang lungsod sa Talakag sa maong Miss Philippines Earth, diin sumala ni Congressman Alba, nahatagan og mas dako nga pagtagad ug exposure ang Talakag nga nagsilbing paagi usab aron mapaila ang Bukidnon sa tibuok nasud ug sa tibuok kalibutan pinaagi sa pagpasiugda sa malungtarong turismo sa tibuok Northern Mindanao region
Photo Courtesy: Malitbog Tourism
