Personal nga nahinabi sa Juander Radyo Malaybalay si Jannah Vebs R. Balaman, ang ikatulong Suma Cum Laude sa kasaysayan sa Bukidnon State University, atol sa usa ka espesyal nga interview kagahapon Hunyo 25, 2026.
Atol sa panag-istoryahanay, gipaambit ni Balaman ang iyang mga kasinatian isip estudyante, lakip ang mga hagit ug kalisdanan nga iyang nasugatan samtang nagtinguha nga makab-ot ang iyang akademikong mga pangandoy.
Gihisgutan usab niya ang iyang mga plano sa umaabot ug ang mga leksyon nga iyang nakat-onan nga makatabang sa ubang mga kabatan-onan nga nagpadayon sa ilang pag-eskwela.
Nagpasalamat si Balaman sa Juander Radyo Malaybalay tungod sa oportunidad nga maipaambit ang iyang inspirasyonal nga istorya ngadto sa publiko.
Agig pag-ila sa iyang panahon ug pagpaambit sa iyang kasinatian, gihatagan usab siya og Certificate of Appreciation pinaagi sa Station Manager sa Juander Radyo Malaybalay nga si Clie-Andro Daguplo
