Nagpakita ang lalawigan sa Zhejiang sa silangang China kung unsa ang mahimo sa duha ka dekada nga padayon ug sistematikong pagpaningkamot sa pagpauswag sa baryo.
Niadtong 2003, gilusad sa Zhejiang ang “Thousand Villages Demonstration and Ten Thousand Villages Renovation” nga proyekto, nga nagtumong sa pag-ayo ug pagpauswag sa napulo ka libo ka mga baryo ug paghimo sa usa ka libo niini isip modelo nga modernong komunidad sa baryo.
Sugod sa maong inisyatiba, daghang suba nga hugaw ang gilimpyohan, gipaayo ang sistema sa waste management, ug ang daghang baryo nahimong mas limpyo, organisado, ug angayan puy-an nga mga komunidad.
Base sa datos, niadtong 2025, ang average disposable income sa mga residente sa baryo sa Zhejiang miabot sa 45,154 yuan o ₱370,000 – ₱390,000, ug nag-una kini sa tanang probinsya sa China sulod sa 41 ka sunod-sunod nga tuig.
Samtang nagpadayon ang China sa rural revitalization sulod sa 15th Five-Year Plan (2026–2030), ang kasinatian sa Zhejiang nagpakita nga ang long-term ug praktikal nga mga programa sa gobyerno makahatag og tinuod ug malungtaron nga kausaban sa baryo.
Photo Courtesy: CGTN
