Gipahugtan sa Surigao Component City Police Station (CCPS) ang seguridad sa mga eskwelahan dihang gironda ug gituki ang mga safety measures.
Gipagulohan ni PLTCOL Mariano C. Lukban, Chief of Police sa Surigao CCPS, ang maong dayalogo diin gipang-bisitahan ang Cabrera Altres National High School (CANHS), Regional Science High School ug uban pang tunghaan sa syudad.
Ang panagtagbo nagtumong sa pagpalig-on sa mga lakang sa seguridad human sa nahitabong insidente sa pagpamusil sa Tacloban City nga nalambigit ang mga estudyante nga minor de edad.
Gipresentar ni PLTCOL Lukban ang mga programa sa kapolisan nga naglakip sa police visibility, regular nga pagpatrolya ug pagmonitor sa mga eskwelahan, ingon man ang padayon nga koordinasyon uban sa mga opisyal sa eskwelahan bahin sa mga isyu sa seguridad.
