Patay ang senior citizen ug niresulta sa kadaot sa mga sakyanan human nga nahugno ang bahin sa building sa Wat Traimit Withayaram Worawihan Temple sa Bangkok, Thailand. Nahitabo ang insidente sa Charoen Krung Road sa Talat Noi subdistrict, Samphanthawong district.
Gipadala sa lugar ang mga bombero ug mga rescue worker gikan sa Suan Mali Fire and Rescue Station aron motabang sa operasyon. Gisirad-an sa mga opisyal ug rescue volunteers ang maong lugar samtang nagpadayon clearing operation ug pagkuha sa lawas sa biktima.
Gilauman usab ang dugang nga inspeksyon aron masuta ang kahimtang sa building ug mahibal-an ang hinungdan sa pagkahugno niini.
Photo courtesy: Global News
