Gihangyo ni Parañaque 2nd District Representative Brian Yamsuan ang Philippine Health Insurance Corporation (Philhealth) nga palapdan ang outpatient coverage niini alang sa dialysis ug uban pang pamaagi sa pagtambal sa mga adunay sakit sa kidney.
Subay sa iyang gisang-at nga House Bill 6310, panawagan ni Yamsuan alang sa Philhealth nga pugngan o mna-detect og sayo nga chronic kidney disease (CKD).
Ang sugyot ni Yamsuan maoy tubag sa nagkadaghang mga Filipino gikan sa edad nga 20 ngadto sa 59 nga apektado sa CKD base sa lista sa Philippine Renal Disease Registry.
Ubos sa sugyot ni Yamsuan, ang Philhealth maoy mo-cover sa tanang gasto sa maintenance, dialysis, tambal, professional fees sa mga doktor ug hospital bills sa CKD patients.
Photo courtesy: PNA/ RioMed
